Ek reis gereeld. Alleen. Op ver paaie. So tyd vir leer en reflekteer is daar baie.
Op een van die potgooie wat so my tyd met my deel, gesels twee dames met Max Lucado. Ek was nog altyd ‘n groot aanhanger van sy manier om Bybelse waarhede so wonderlik eenvoudig uit te beeld.
Hy vertel dat hy en sy vrou op ‘n dag by sy dogter kuier. Sy en haar man het twee kinders – oupa se meisie was toe seker so ses jaar oud, en boeta so drie.
Die tweetjies was buite in die agterkant van die erf, wat nogal groot was, besig met hulle gunsteling tydverdryf: Klippe optel.
Maar die volgende oomblik kom sussa met ‘n gedwarrel by die agterdeur in: “9-1-1! 9-1-1! We have an emergency!”
Hulle begin eers lag vir die verspotte kind, maar toe hoor hulle: “My brother can’t get up!”
Verstaanbaar ontsteld spring hulle daar weg, en so halfpad by die deur uit vra Max vir sussa wat dan gebeur het. Het hy geval en sy kop gestamp? Of was daar ‘n slang wat hom gepik het?
Nee, verduidelik sy, hy het die klippe wat hulle opgetel het in sy broeksakke gesit, en nou kan hy nie opstaan nie – dit is te swaar.
Gerusgestel en met sy hartklop weer onder beheer, gaan kniel Max by sy kleinseun en vra of hy hom kan help.
“Yes, please,” kom die huilerige antwoord.
En saam-saam haal hulle die klippe uit sy sakke totdat sy kortbroek weer sit waar dit moet, en die mannetjie kan opstaan.
Hierdie week lees ek een van Max se leesplanne op YouVersion en hierdie staan vir my uit:
“Prayer is simply a conversation with your heavenly Father.
You place your anxieties in His hands and remind Him—and yourself—of the promises He has made in His Word.
You find a promise that fits your problem and build your prayer around it.
These prayers of faith touch the heart of God and activate the angels of heaven.
Miracles are set into motion.
You experience less consternation; more supplication.
Fewer anxious thoughts, more prayer-filled thoughts.”
Elke keer as jy bid, dan verruil jy een van jou klippe vir een van Sy beloftes.
Weet ek watter beloftes alles myne is?
Het ek ‘n bymekaarmaakplek om te gaan rondkrap wanneer die duiwel my vreugde en my vermoë om helder te dink wil steel?
‘n Nuwe een vir my Bybelbelofte bêre-boks kry ek gister in Sagaria 10:
“I, the Lord, am the one
who sends storm clouds
and showers of rain
to make fields produce.
So when the crops need rain,
you should pray to me…
…My people will go through
an ocean of troubles,
but I will overcome the waves
and dry up the deepest part
of the Nile.”
Sagaria 10:1, 11 CEV
Mag jou bêre-boks ‘n bêre-hangkas word hierdie jaar.
Met ‘n perfekte belofte vir elke klip wat jy langs die pad optel.
Jou inspirasie vir die week: Same God
Comments