Sommige dae word jy wakker en sommer nog so tussen die newels deur prewel jy al: “Here, help…”
Ander dae weer voel jy goed genoeg gerat vir die dag en verwag jy nie te veel aardskuddende momente nie, so die desperate gryp aan Sy kleed word net ‘n gemoedelike “Goeiemôre, Here.”
“Don’t divide your life into things you can do by yourself
and things that require My help.
Train your mind to seek My help continually,
even when you feel competent to handle something by yourself.”
Wanneer sal ek leer dat my spartelsoek na Sy Hand elke dag Hom nie moeg maak vir my nie?
Wanneer sal ek leer dat Hy nie minder van my dink omdat die oënskynlike ligte irritasies van die wêreld die vermoë het om my te laat lostorring nie?
Net omdat ek dit self kán doen, beteken nie noodwendig dis die beste manier nie.
As ek die mooiste dele van Wallis wil gaan verken, en my bestie beginne vertel van die keer toe sy toevallig op die pragtigste skulpstrandjie afgekom het, of die snoesige eetplek om die draai van die boekwinkel waar sy Afrikaanse boeke ontdek het, of die wandelpad op een van Snowdownia se koppies wat sy toevallig deur die ewige mistigheid raak-verdwaal het, dan word ek sommer lus om haar saam te vat!
My Beste Vriend wil nie maar net my phone-a-friend wees nie.
Hy wil elke oomblik van elke dag saam met my lag en saam met my huil, as dit moet.
Wanneer ek angstig raak, wil Hy Sy hand liggies oor my hare vryf en sê: “Haal asem.”
As ek die reuk van blomme vergeet, wil Hy my tot stilstand bring.
As groot besluite al hoe nader kom, wil Hy my op Sy rug tel sodat ek anderkant die skeiding van VOOR en NA kan sien.
Ek wil nie meer wag totdat die jy-weet-wat spat voordat ek Hom loop soek nie.
“Don’t be pulled in different directions
or worried about a thing.
Be saturated in prayer throughout each day,
offering your faith-filled requests before God
with overflowing gratitude.
Tell Him every detail of your life…”
Filippense 4:6 The Passion Translation
Vir my het hierdie vers nou ‘n daaglikse mantra geword, met min woorde vir makliker onthou.
U is God.
Ek is nie.
Dankie.
Jou inspirasie vir die week: Your presence is a promise
Comentarios